Íslensku keppendurnir á Iceland International, badmintonmóti WOW Reykjavik International Games, unnu góða sigra í tvenndarleik í TBR-húsunum í morgun.
Margrét Jóhannsdóttir og Kristófer Darri Finnsson slógu út andstæðinga sína frá Tékklandi í æsispennandi leik 21-19 og 24-22. Síðustu stigin í leiknum má sjá á meðfylgjandi myndskeiði. Margrét og Kristófer mæta næst spænsku pari klukkan 16:35 í dag.
Daníel Jóhannesson og Sigríður Árnadóttir unnu sömuleiðis sinn leik. Þau sigruðu lið frá Englandi 21-17 og 21-15 og mæta næst norsku pari klukkan 17:10.
Nú eru að hefjast einliðaleikir kvenna þar sem Ísland á þrjá fulltrúa.
Smellið hér til að skoða leiki dagsins í badminton.