Ivik Nielsen sigrað í einliðaleik karla í borðtennis á WOW Reykjavik International Games um helgina og er þetta annað árið í röð sem hann sigrar á mótinu. Sigurvegari í einliðaleik kvenna var Avi Rodgaard, einnig frá Grænlandi.
Í úrslitum í karlaflokki mætti Ivik Nielsen Magnúsi Hjartarsyni úr Víkingi. Leikurinn fór 4-1 (11-3, 8-11, 13-11, 11-5 og 11-9). Í 3.-4. sæti voru Magnús Kristinn Magnússon, Víkingi, og Magnús Gauti Úlfarsson, BH.
Avi Rodgaard mætti Kolfinnu Bjarnadóttur úr HK í úrslitum í kvennaflokki. Avi Rodgaard sigraði nokkuð örugglega 4-0 (11-9, 11-9, 11-6 og 11-6). Í 3.-4. sæti voru Aldís Rún Lárusdóttir, KR og Auður Tinna Aðalbjarnardóttir, KR.
Borðtennismót Reykjavíkurleikanna fór fram í TBR-húsinu og var í umsjón borðtennisdeildar Víkings. Allt besta borðtennisfólk landsins tók þátt ásamt gestum frá Svíþjóð, Grænlandi, Ungverjalandi og Póllandi.