Skotíþróttakeppni WOW Reykjavik International Games fór fram í Egilshöllinni í dag. Keppt var í opnum flokki með annars vegar loftskammbyssu og hins vegar með loftriffli. Jórunn Harðardóttir gerði sér lítið fyrir og vann í báðum flokkum og setti fjögur Íslandsmet. Guðmundur Helgi Christensen var valinn besti karl mótsins en hann var í 2. sæti í keppni með loftriffli og 4. sæti í loftskammbyssu.
Í loftskammbyssu var Íslandsmet Jórunnar 557 stig og í loftriffli 604,9 stig en bæði þessi met voru sett í riðlakeppninni. Hún setti svo einnig Íslandsmet kvenna í úrslitum með loftriffli, 239,7 stig og úrslitum með loftskammbyssu, 219,0 stig. Tvö Íslandsmet voru auk þess sett í unglingaflokki kvenna, Ingibjörg Ylfa Gunnarsdóttir setti met í loftskammbyssu þegar hún fékk 374 stig og Viktoría Erla Þ. Bjarnarson setti met í loftriffli með 562,3 stig. Þess ber að geta að breyting varð á reglum Alþjóðaskotíþróttasambandsins (ISSF) í kvennakeppninni frá áramótum þannig að konur skjóta nú jafnmörgum skotum og karlar, 60 alls.
Verðlaunahafar mótsins voru:
Loftskammbyssa
Loftriffill