Andri og Freyja best í skylmingum

Skylmingakeppni WOW Reykjavik International Games fór fram í Skylmingamiðstöðinni á Laugardalsvelli um helgina. Keppt var í bæði unglinga og fullorðinsflokkum og tóku erlendir gestir frá Svíþjóð, Litháen, Þýskalandi, Frakklandi, Bandaríkjunum og Búlgaríu þátt.

Í kvennaflokki var sigurvegari Freyja Sif Stefnisdóttir. Freyja sigraði í úrslitaleiknum Giedré Razguté frá Litháen 15:7.

Í karlaflokki stóð Andri Nikolaysson Mateev uppi sem sigurvegari. Hann mætti í úrslitum Magnus De Witt frá Þýskalandi og sigraði hann 15:5. Í undanúrslitum sigraði Andri Kjartan Óla Ágústsson og Magnús Daníel Magnússon og eru meðfylgjandi myndir úr þeim viðureignum.