Íþróttaleikunum WOW Reykjavik International Games, RIG, lýkur í dag en þessi mikla íþróttahátíð hefur staðið yfir síðan 25. janúar. Keppt verður í fjórum íþróttagreinum í dag en í kvöld verður hátíðardagskrá í Laugardalshöll þar sem veitt verða verðlaun og ýmis skemmtiatriði eru á dagskránni.
Keppt verður í badminton unglinga í TBR-húsinu klukkan 9-16 í dag og bogfimi í Bogfimisetrinu við Dugguvog klukkan 9:30-17. Keilukeppnin fer fram í Egilshöllinni klukkan 9-17 og keppni í skylmingum í Skylmingamiðstöðinni á Laugardalsvelli klukkan 10:30-16.
Nánari upplýsingar um íþróttaleikana má finna á rig.is.