Annie Mist og Katrín Tanja keppa á RIG CrossFit Invitational í dag

RIG CrossFit Invitational fer fram í dag á Reykjavíkurleikunum. Keppnin í ár er liðakeppni með heimsklassa keppendum frá Íslandi, Danmörku, Svíþjóð, Ástralíu og Bandaríkjunum.

Liðin 4 keppa í 5 greinum þar sem ein kona og einn karl eru í liði. Á 90 mínútum keppa þau í ýmsum greinum sem reyna á styrk, úthald, hraða og tækni. Meðal keppenda eru Annie Mist Þórisdóttir og Katrín Tanja Davíðsdóttir, en báðar hafa þær hlotið nafnbótina sterkasta kona heims og eru meðal stærstu stjarnanna í CrossFit heiminum.

Annie Mist keppir í liðakeppni á Heimsleikunum

Í ár hefur Annie Mist ákveðið að keppa ekki í einstaklings keppni á heimsleikunum, heldur í liðakeppni sem lið Crossfit Reykjavík. Liðið þarf að vera staðsett í Crossfit Reykjavík, því hafa þrír íþróttamenn flutt til landsins til að keppa fyrir Crossfit Reykjavík á heimsleikunum í Crossfit. Khan Porter frá Ástralíu, hefur 6 sinnum keppt á CrossFit games, Lauren Fisher frá Bandaríkjunum hefur 7 sinnum keppt á heimsleikunum og Tola Morakinyo frá Bandarríkjunum, hann hefur keppt 3 sinnum á heimsleikunum. Þau keppa einnig í dag í RIG CrossFit Invitational.

Í dag keppa þau í fimm greinum, en greinarnar má finna á heimasíðu Reykjavíkurleikanna, RIG.IS.  

Keppnin byrjar klukkan 16:30 og er í Crossfit Reykjavík. Sýnt verður frá keppninni í beinni á Rúv, en einnig verður hún sýnd á heimasíðu Reykjavíkurleikanna RIG.IS. Vegna mikils áhuga erlendis frá þá verður keppninni lýst á íslensku og ensku á heimasíðu RIG.

Hér eru liðin sem keppa í dag:

Lið 1 - Iceland

Annie Thorisdottir tvöfaldur sigurvegari CrossFit Games heimsleikanna, í fyrra endaði hún í 3 sæti, en hún hefur 6 sinnum verið á palli á heimsleikunum

Khan Porter frá Ástralíu, hefur 6 sinnkum kept á CrossFit heimsleikunum og er Ástralskur meistari. 

Annie Mist Þórisdóttir og Khan Porter, RIG 2022 Ljósmynd/Marta María B. Siljudóttir

Lið2 - Danmörk

Andre Houdet frá Danmörku, hann er danskur meistari og var í 15 sæti á heimsleikunum 2021.   

Katrin Tanja Davidsdottir tvöfaldur sigurvegari CrossFit Games heimsleikanna. Katrín hefur fjórum sinnum verið á palli á heimsleikunum. 

Andre Houdet og Katrín Tanja Davíðsdóttir, RIG 2022 Ljósmynd/Marta María B. Siljudóttir

Lið 3 - Svíþjóð

Rebecka Vitesson frá Svíþjóð, hefur tvisvar sinnum keppt á heimsleikunum 

Garðar Ólafsson frá Íslandi, lánaður í Sænska liðið.

Garðar Ólafsson og Rebecka Vitesson, RIG 2022 Ljósmynd/Marta María B. Siljudóttir

Lið 4 - Bandaríkin

Lauren Fisher frá Bandaríkjunum hefur keppt sjö sinnum á heimsleikunum. 

Tola Morakinyo frá Bandaríkjunum hefur þrisvar sinnum keppt á heimsleikunum.

Þau eru flutt til íslands ásamt Khan Porter  og mynda lið Crossfit Reykjavíkur fyrir Heimsleikana 2022. 

Tola Morakinyo og Lauren Fisher, RIG 2022 Ljósmynd/ Marta María B. Siljudóttir

Rúv og RIG.IS klukkan 16:30 

• Blogga um frétt