Um hádegi í gær höfðu veiðst 87 laxar í Norðurá sem er tíu fiskum meira en á sama tíma í fyrra. Átta stanga holl náði 20 löxum við erfiðar aðstæður.
„Takan var mjög treg allan tímann. En þessi hópur hefur veitt í ánni í allmörg ár á þessum tíma og við höfum aldrei sér svona mikinn lax í ánni og jafn vel dreifðan og núna,“ sagði Kjartan Þorbjörnsson, einn veiðimannanna, í gær. Kjartan og Júlía kona hans lönduðu engu að síður fjórum stórum hrygnum, 73 til 80 cm löngum.
Veiði hófst á neðsta svæði Blöndu 5. júní síðastliðinn og hafa rúmlega 60 laxar þegar verið færðir til bókar, nánast allt stórlaxar. Stefán Sigurðsson sölustjóri hjá Lax-á er afar ánægður með þessa byrjun.
Sex laxar veiddust í opnunarhollinu í Þverá en það lauk veiðum um hádegi í gær; fyrstu þrír laxarnir veiddust í Kaðalstaðahyl en algengt er að þar sé gengið að fyrstu löxum sumarsins. Veiðimenn sáu annars talsvert af laxi í ánni en hann tók illa í skjannasólinni í Borgarfirði. Veiði hófst í efri hluta árinnar, í Kjarrá, seinnipartinn í gær.
Sjá nánar um veiðiskapinn í Morgunblaðinu í dag.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |