Samkvæmt upplýsingum austan af Héraði hefur verið sæmilegasta veiði í Selfljóti og Gilsá það sem af er sumri.
Fram kemur í rafrænni veiðibók á Veiðitorginu að veiðst hafa 19 laxar, 119 urriðar og 116 bleikjur. Þá kom á land í gær einn hnúðlax en annar slíkur veiddist hinn 25. ágúst. Er þetta í fyrsta skipti svo vitað sé að hnúðlaxar veiðist í ánni, en hins vegar hafa fregnir borist af fjölmörgum slíkum um allt land í sumar.
Áin er fiskgeng um 33 kílómetra og er henni skipt í í sjö veiðisvæði og eru tvær stangir leyfðar á hverju þeirra. Veiðin er eftir því fjölbreytt og bleikjan er yfirleitt algengust, en bæði sjóbirtingur, staðbundinn urriði og nokkuð af laxi er einnig á boðstólum. Mest er bleikjuveiðin á neðstu svæðunum en meiri von um lax og urriða þegar ofar dregur í ána.
Algeng laxveiði er nálægt 40 fiskum á hverju ári en fór mest í 121 lax árið 2011. Heildarsilungsveiðin hefur síðustu árin verið á bilinu 300 til 600 stykki yfir sumarið.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |