Hrygningu laxa lokið

Á þess­um árs­tíma ætti hrygn­ingu laxa að mestu að vera lokið í íslenskum veiðiám, en hún fer fram seint á haust­in og fyrri hluta vetr­ar.

Hrygn­ing­in fer þannig fram að lax­inn gref­ur í mal­ar­botn árin­ar litla rás sem hrygn­an spraut­ar svo hrogn­un­um í og strax í sama mund spraut­ar hæng­ur svil­um sín­um yfir. Oft­ar en ekki eru nokkr­ir hæng­ar sem koma að og sprauta svil­um sín­um yfir hrogn einnar hrygn­u. Að því loknu hylja þeir hin frjóvguðu hrogn ofan í möl árinnar með sporðinum. 

Flest­ir laxar drep­ast í ánni eftir hrygningu um veturinn vegna ofþreytu og hung­urs þar sem þeir hætta að éta á leið úr sjó til hrygn­ing­ar­stöðvanna. Alltaf er þó einhverjir sem lifa hrygn­ing­una af, leita aft­ur til sjávar að vori og eru þar í eitt eða tvö ár og snúa til baka sem sannkallaðir stórlaxar.

Hrygn­ing­ar­tími laxa í Skotlandi nær yfir breiðara tíma­bil en hér á landi. Í ánni Ness er fylgst með hrygn­ingu laxa með svokölluðum GoPro-mynda­vél­um á þekkt­um hrygn­ing­ar­stöðum. Á ný­árs­dag náðist mynd­skeið, sem birt var á facebooksíðu árinnar, af nokkr­um hæng­um berj­ast um hylli hrygnu þar til að lok­um stór hæng­ur kemst að og nær að sprauta svil­um sín­um yfir hrogn hrygn­unn­ar.

Göng­ur laxa upp í veiðiár í Skotlandi ná einnig yfir lengri tíma­bil en hér á landi og eru fyrstu árn­ar þar í landi opnaðar 11. janú­ar, en þær eru Thur­so, Helms­dale og Halla­dale. Hver áin á fæt­ur ann­arri er svo opnuð og eru þær flest­ar opnar um miðjan febrúar.

Laxapar hrygnir í ánni Ness í Skotlandi á nýársdag. FishtheNess

• Blogga um frétt

Seinustu hundraðkallar sumarsins