Erfðanefnd landbúnaðarins efnir til málþings um erfðafræðileg áhrif laxeldis á villta laxastofna fimmtudaginn 1. febrúar 2018 frá klukkan 13:00 – 16:30 í fyrirlestrasalnum Fróða, sem er í húsi Íslenskrar erfðagreiningar að Sturlugötu 8.
Fram kemur í tilkynningu að aðalfyrirlesari verði dr. Kevin Glover frá Háskólanum í Bergen sem er einn af leiðandi vísindamönnum Noregs á sviði erfðablöndunar eldislax og náttúrulegs lax og vöktunar á erfðafræðilegum áhrifum laxeldis. Mun hann fjalla um stöðu þekkingar á erfðablöndun, umfangi og áhrifum.
Þá mun dr. Fletcher Warren-Myers frá Háskólanum í Melbourne í Ástralíu fjalla um rannsóknir sínar á notkun baríumsalta til merkingar á eldislöxum svo rekja megi strokulaxa úr eldi til framleiðenda.
Leó Alexander Guðmundsson frá Hafrannsóknastofnun mun svo fjalla um rannsókn varðandi erfðablöndun á Vestfjörðum og dr. Ragnar Jóhannsson mun í kjölfarið fjalla um áhættumat á erfðablöndun og vöktun áhrifa eldis á náttúrulega laxastofna.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |