SPRON sækir um slitameðferð

Bráðabirgðastjórn SPRON sótti í dag sótt um slitameðferð til Héraðsdóms Reykjavíkur. Bráðabirgðastjórn SPRON segir ljóst, að félagið uppfylli ekki lengur skilyrði laga fyrir áframhaldandi rekstri sem fjármálafyrirtæki.

Fjármálaeftirlitið ákvað 21. mars að taka yfir vald hluthafafundar og víkja félagsstjórn SPRON frá í heild sinni. Jafnframt var skipuð skilanefnd (nú bráðabirgðastjórn) fyrir SPRON, sem tók við öllum heimildum stjórnar.

Í tilkynningu segir, að bráðabirgðastjórn SPRON hafi, frá því hún var skipuð, unnið að því að framkvæma ákvarðanir Fjármálaeftirlitsins og gætt að því að varðveita eignir félagsins og endurskipuleggja rekstur þess með hagsmuni kröfuhafa að leiðarljósi. Ljóst sé, að félagið uppfylli ekki lengur skilyrði laga fyrir áframhaldandi rekstri sem fjármálafyrirtæki og telji stjórn félagsins nauðsynlegt að óska eftir slitum á félaginu í samræmi við lög um fjármálafyrirtæki.

• 1 blogg um fréttina

Bloggað um fréttina

• Marinó G. Njálsson: Skoða þarf skyldur SPRON (og Frjálsa) til upplýsingagjafar