Bónusgreiðslur til Straumsmanna
Setja bókamerki
Samþykki kröfuhafar Straums að halda rekstri bankans áfram munu starfsmenn fá árangurstengdar greiðslur, sem eru í hlutfalli við endurheimtur eigna. Þetta er samkvæmt endurreisnaráætlun sem kynnt var kröfuhöfum í byrjun ágúst.
Kröfuhöfum er í sjálfsvald sett hvort þeir samþykki áætlunina, endursemji eða fái nýtt fólk til að reka bankann. Þeir geta líka hafnað því að fara í nauðasamninga, sett bankann í gjaldþrot og selt allar eignir hans strax upp í kröfur.
Samkvæmt áætlun sem kynnt var kröfuhöfum nú í byrjun ágúst má gera ráð fyrir að 7% fáist upp í ótryggðar kröfur fari bankinn í gjaldþrotameðferð. Ákveði kröfuhafar að halda starfseminni áfram er gert ráð fyrir að 51% fáist upp í ótryggðar kröfur. Endanlegt hlutfall er þó háð aðstæðum á markaði, þróun gengis krónunnar og vaxtastigi.
Nafnlaust tölvupóstur hefur verið sendur á fjölmiðla í dag þar sem fram kemur að stjórnendur Straums leggi til að þeir fái milljarða í bónusgreiðslur og enn meira ef vel gengur. Mbl.is hefur ekki fengið þessar tölur staðfestar. Bréfritari segist vinna fyrir kröfuhafa Straums.
Aðkoman í gripahúsið mjög slæm
Bjarkey stendur við skammarbréf Svandísar
Færa slökkviliðið til nútímans
Segjast hafa skotið niður langdræga sprengjuvél
Hyggjast leyfa fólki að skoða gosið
Aðeins ein leið fær í Grindavíkurmálum
29 nautgripir fundust dauðir
Sárt að horfa upp á illa meðferð fjármuna