Þung spor Alistairs Darling
Setja bókamerki
Fjármálaráðherra Bretlands, Alistair Darling, mun í vikunni tilkynna ráðuneytum og opinberum stofnunum að ekki sé til meira fé í ríkiskassanum og því verði sett útgjaldabann í þrjú ár. Þetta kemur fram á vef breska blaðsins Times í dag.
Times segir þetta erfiðustu skilaboð sem ráðherra hefur þurft að færa í Bretlandi frá því að Alþjóðagjaldeyrissjóðurinn varð að koma breskum stjórnvöldum til aðstoðar á áttunda áratug síðustu aldar.
Þetta þýði að öll laun verði fryst hjá hinu opinbera og fjöldi opinberra starfsmanna muni missa vinnuna. Þetta samsvari því að dregið verði úr eyðslu sem nemur 40 milljörðum punda, 8.122 milljarða króna.
Times vísar til fréttar frá breska greiningarfyrirtækinu, Centre for Economics and Business Research (CEBR), um að Bretland, sem var fjórða stærsta hagkerfi heims árið 2005, sé nú komið í sjöunda sæti. Á eftir Bandaríkjunum, Kína, Japan, Þýskalandi, Frakklandi og Ítalíu.
Samkvæmt spá CEBR verði Bretlandi ekki meðal tíu stærstu hagkerfa heims árið 2015. Í stað Bretlands verði ríki eins og Rússland, Brasilía, Indland og Kanada inni á þeim lista. Lítill hagvöxtur og veikt pund muni bera ábyrgð á versnandi stöðu Bretlands.
„Það er skiljanlegt að þolinmæði þeirra sé lítil“
Markaðurinn hitnar og leiguverð hækkar hratt
Þrjú og hálft ár fyrir skotárás í Úlfarsárdal
Ofsóttur innan veggja Boeing
Hafa samþykkt kaup fyrir um 9,2 milljarða
Færa slökkviliðið til nútímans
Kveðst tala af virðingu: „Ég er enginn dóni“
Segjast hafa skotið niður langdræga sprengjuvél