Madoff færður á sjúkradeild

Fjármálamaðurinn Bernie Madoff, sem afplánar 150 ára fangelsisdóm, hefur verið færður yfir í sjúkraálmu fangelsins. Þangað var hann fluttur fyrir viku.

Talskona Butner-betrunarhælisins í Norður-Karólínu vill einungis staðfesta að Madoff hafi verið færður úr venjulegum fangaklefa yfir á sjúkradeildina. Að öðru leyti neitaði hún að tjá sig frekar um ástand hans.

Madoff, sem er 71 árs, gekkst við sekt sinni, en hann var ákærður fyrir að hafa haft um 65 milljarða dollara af þúsundum viðskiptavina sinna með sviksamlegum hætti og misheppnuðum fjárfestingum.

• Blogga um frétt