Stofnun neyðarsjóðs samþykkt

Fjármálaráherrar evru-ríkjanna hafa samþykkt að setja á stofn neyðarsjóð upp á alls 500 milljarða evra til þess að koma í veg fyrir að skuldavandi Grikkja hafi áhrif á önnur evru-ríki. Eins mun Alþjóðagjaldeyrissjóðurinn leggja til 250 milljarða evra. 440 milljaðrar evra koma frá evruríkjunum 16 í formi lánsloforða og 60 milljarðar evra koma úr neyðarsjóði framkvæmdastjórnar Evrópusambandsins. Greint er frá þessu á vef BBC.

Olli Rehn, sem fer með efnahagsmál í framkvæmdastjórn Evrópusambandsins, segir að samþykkt sjóðsins sýni að ríkin sextán verji evruna með öllum ráðum.

Óttast hefur verið að ef ekki yrði gripið gripið til aðgerða þá væri hætta á að evran léti undan síga en leiðtogar evru-ríkjanna vöruðu á föstudagskvöldinu við spákaupmennsku með evruna.

Eins efast margir um að Spánn og Portúgal komist í gegnum erfiðleikana án þess að fá aðstoð.

• 1 blogg um fréttina

Bloggað um fréttina

• Salvör Kristjana Gissurardóttir: Anno domini 2010 eða anno domino 2010