MP spáir minni verðbólgu

Mp banki spáir að vísitala neysluverðs muni mælast 0,3% lægri í júlí en í júní. Spáin þýðir að verðbólga á ársgrundvelli verði 5,2% í mánuðinum og lækki úr 5,7% milli mánaða.

Gangi spáin eftir yrði það í fyrsta sinn í sex ár sem verðbólga lækkaði í júlímánuði en undanfarin ár hafa hækkanir á fasteignum og gengislækkun krónunnar haldið verðlagi uppi í mánuðinum.