10-11 til sölu

Ákveðið hefur verið að bjóða til sölu verslanakeðjuna 10-11, sem er í eigu Eignabjargs, dótturfélags Arion banka.

Fram kemur í tilkynningu frá bankanum, að boðið sé til sölu allt hlutafé í Rekstrarfélagi Tíu-ellefu ehf. og sé gert ráð fyrir að það verði selt í einu lagi. Söluferlið er opið öllum fjárfestum sem uppfylla skilyrði um viðeigandi þekkingu og fjárhagslegan styrk.

Frestur til að skila óskuldbindandi tilboðum í félagið er til 18. maí. Í kjölfarið munu valdir fjárfestar fá aðgang að frekari upplýsingum um félagið áður en óskað verður eftir bindandi tilboðum og gengið til endanlegra samninga um kaup og sölu. 
 
Rekstrarfélag Tíu-ellefu ehf. rekur 23 verslanir undir merkjum 10-11 á höfuðborgarsvæðinu, í Reykjanesbæ og á Akureyri. Hjá félaginu starfa um 200 manns. 

Verslanakeðjan var í eigu Haga hf. þar til á síðasta ári, en þá tók Rekstrarfélagið við rekstri keðjunnar ásamt eignum og skuldum.  

• 1 blogg um fréttina

Bloggað um fréttina

• Oddgeir Einarsson: Af hverju er þekking skilyrði?