Póstdreifing hefur keypt fjóra nýja Mercedes-Benz Sprinter sendibíla sem ganga fyrir metani, að því er kemur fram í fréttatilkynningu.
Þar er haft eftir Erni Jóhannssyni, deildarstjóra akstursdeildar Póstdreifingar, að markmið fyrirtækisins sé að bílafloti þess sé umhverfisvænn.
Bílarnir fjórir eru sérpantaðir fyrir Póstdreifingu og eru sérútbúnir til dreifingarþjónustu að sögn Páls H. Halldórssonar, sölustjóra atvinnubíla hjá Öskju, umboðsaðila Mercedes-Benz á Íslandi.