Ríkisendurskoðun gagnrýnir fjárlögin

Þrátt fyrir að fyrir liggur að kostnaður ríkissjóðs vegna yfirtöku Landsbankans á SpKef verði aldrei minni en 11,2 milljarðar króna er ekki óskað eftir þeim fjárheimildum í fjárlagafrumvarpi næsta árs.

Ríkisendurskoðun gerir við þetta athugasemdir í umsögn sinni við fjárlagafrumvarpið og segir þar að fjármálaráðuneytinu beri að óska eftir slíkum heimildum.

Kostnaður ríkisins vegna yfirtökunnar á SpKef mun nema á bilinu 11,2 til 30 milljarða en deilur standa á milli ríkisins og Landsbankans um verðmæti eigna sjóðsins. Kveðið verður á um þær á næstu mánuðum.

Að þessu undanskildu bendir nú þegar flest til þess að markmið fjárlaganna muni ekki nást. Samkvæmt minnihlutaáliti Sjálfstæðisflokksins í fjárlaganefnd hafa þær breytingar sem hafa verið gerðar á fjárlagafrumvarpinu af ríkisstjórninni og meirihluta fjárlaganefndar auk vantalinna liða leitt til þess að hallareksturinn verði a.m.k. 36 milljarðar á næsta ári.