Laxeldisfyrirtækið Fjarðalax vinnur nú að slátrun fyrstu kynslóðar eldislax sem fyrirtækið hefur ræktað. Fiskurinn hefur verið alinn í Tálknafirði frá miðju ári 2010.
Á sama tíma er verið að setja þriðju kynslóð laxaseiða í sjó í Patreksfirði, um 800-900.000 seiði, og önnur kynslóð dafnar vel í Arnarfirði, að því er segir í fréttatilkynningu.
Í Morgunblaðinu í dag kemur fram, að hjá fyrirtækinu starfa 30 manns og er ráðgert að með auknum umsvifum muni starfsmenn verða allt að 60 talsins í lok næsta árs.