Afkoma Icelandair umfram væntingar

Afkoma Icelandair Group hf. var umfram væntingar stjórnenda á fyrsta ársfjórðungi þessa árs. Tap á fjórðungnum nam 13,2 milljónum bandaríkjadala. Um 21% tekjuaukning varð á tímabilinu frá sama í fyrra.                                                    
                                                                
„Afkoma félagsins á fyrsta ársfjórðungi var betri en áætlanir okkar gerðu ráð fyrir og einkenndist af áframhaldandi innri vexti,“ segir Björgólfur Jóhannsson forstjóri.

Tekjuvöxtur nam 21% á milli ára. Aukning í farþegatekjum var 31%. Farþegum fjölgaði bæði í millilandaflugi og innanlandsflugi. Mikil aukning varð í fjölda ferðamanna sem komu til Íslands sem hafði jákvæð áhrif á ferðaþjónustu.       
                                                                                                                              
Í byrjun árs gaf Icelandair út EBITDA spá fyrir árið 2012 sem nam 90-98 milljónum dala. Síðan þá hafa rekstrarforsendur að mestu þróast á jákvæðan veg. Miðað við uppfærðar forsendur er gert ráð fyrir að EBITDA á árinu muni nema 100-105 milljónum dala.

Handbært fé frá rekstri var 86,1 milljón dala. Eiginfjárhlutfall félagsins var 31%.
      

                                                                                                                              
                                                                                                                              
                  

• Blogga um frétt