Íslandsbanki innleiðir samkeppnisstefnu

Framkvæmdastjórn Íslandsbanka hefur samþykkt innleiðingu á samkeppnisstefnu til að tryggja að farið sé eftir samkeppnisreglum í hvívetna. Fram kemur í tilkynningu að starfsemi bankans sé víðtæk og ákvarðanataka um viðskipti sé dreifð.

Þá segir að samkeppnisreglur gegni mikilvægu hlutverki á frjálsum markaði til að tryggja neytendum og þjóðfélaginu ábatann af virkri samkeppni.

„Ábyrgðaraðili samkeppnismála Íslandsbanka mun annast fræðslu um samkeppnismál fyrir starfsmenn bankans. Gildissvið samkeppnislaganna og bannákvæði eru víðtæk og er því þekking starfsmanna bankans á lögunum mikilvæg. Þá stendur nú yfir innleiðing á innra samkeppniseftirliti og greining á hættu á samkeppnislagabrotum í starfsemi bankans,“ segir í tilkynningu.

• 1 blogg um fréttina

Bloggað um fréttina

• Geir Ágústsson: Stóru fyrirtækin styðja aðgangshindranir á markaði (samkeppnislög)