Telur Grikki verða uppiskroppa með fé í júní

Fyrrverandi forsætisráðherra Grikklands, Lucas Papademos, varar við því að ef Grikkir fái ekki frekari fjárhagsaðstoð frá Evrópusambandinu og Alþjóðagjaldeyrissjóðnum verði þeir orðnir uppiskroppa með fjármuni í lok júní.

Grikkir kjósa á ný til þings 17. júní næstkomandi en ekki tókst að mynda starfhæfa ríkisstjórn að loknum kosningunum sem fram fóru í byrjun maí. Þá jókst mjög fylgi við stjórnmálaflokka sem leggjast gegn frekari aðhaldsaðgerðum í Grikklandi sem eru forsenda fyrir frekari aðstoð frá ESB og AGS.

Fréttavefur breska dagblaðsins Daily Telegraph greinir frá þessu í dag og vísar í minnisblað þar sem ummæli Papademos komi fram en því mun hafa verið lekið til fjölmiðla.

• 4 blogg um fréttina

Bloggað um fréttina

• Gunnar Heiðarsson: Svört skýrsla þann 30.
• Haraldur Haraldsson: Grikkir uppiskroppa með fé í júní//Alvarlegt mjög og fleiri Ríki …
• Ómar Ragnarsson: Japanir sáu fram á olíuþurrð eftir fáa mánuði.
• Heimssýn: Paul Krugman: evran er ónýt