Atvinnuleysi eykst á evrusvæðinu

Atvinnuleysi á evrusvæðinu náði nýjum hæðum í september samkvæmt tölum frá hagstofu Evrópusambandsins Eurostat. Samkvæmt þeim er atvinnuleysið á svæðinu nú 11,6% og hækkaði samkvæmt því um 0,1% frá mánuðinum á undan.

Þetta þýðir að um 18,5 milljónir manna séu án atvinnu í ríkjum evrusvæðisins en voru rúmlega 18,3 milljónir í ágúst. Mesta atvinnuleysið mældist á Spáni eða 25,8% en minnst í Austurríki þar sem það var 4,4%.

Ef horft er til Evrópusambandsins í heild, það er bæði þeirra ríkja sambandsins sem eru hluti evrusvæðisins og þeirra sem eru það ekki, voru rúmlega 25,7 milljónir manna án atvinnu í september.

• 2 blogg um fréttina

Bloggað um fréttina

• Magnús Helgi Björgvinsson: Bara af því að ég sá að Heimssýn bloggaði um …
• Heimssýn: 11,6% atvinnuleysi í ESB, 5% á Íslandi