Sjávarútvegurinn um fjórðungur af VLF

Í Sjávarklasanum hefur á síðustu tveimur árum farið fram mikið starf við að kortleggja íslenskan sjávarútveg og þau verðmæti sem þar verða til. Oft er talað um að hlutfall fiskveiða- og vinnslu sé um 10% af landsframleiðslu, þótt það hlutfall hafi hækkað eftir hrun. Það segir samt ekki alla söguna, heldur er heildarumfang alls sjávarklasans, það er sjávarútvegsins og greina sem byggja að öllu leiti eða hluta á sjávarútvegi, á bilinu 26-27% af landsframleiðslu. Þetta segir Haukur Már Gestsson, hagfræðingur hjá Sjávarklasanum í þættinum Viðskipti með Sigurði Má.

Hann segir að enn séu mikil sóknarfæri tengd sjávarútveginum. Þannig sé fiskieldi enn lítið hér við land og að sjávartæknigeirinn eigi möguleika á að vaxa enn frekar. Í seinni flokknum hafi verið lítil fyrirtæki sem byrjuðu að þjóna sjávarútveginum og kröfuhörðum útgerðamönnum, en áttuðu sig svo á því að þeir væru með eitthvað tækifæri í höndunum og í dag er starfsemin kannski 95% útflutningur.

mbl.is
  ISK
  USD
  EUR
  GBP
  CAD
  DKK
  NOK
  SEK
  ISK
  USD
  EUR
  GBP
  CAD
  DKK
  NOK
  SEK