Viðskipti | mbl | 21.8.2013 | 8:03 | Uppfært 11:44

Keppnir, íþróttir og heilsurækt

Mynd 1 af 17 Þessi var auðvitað á kjúklingasviðinu. Rósa Braga

Mynd 2 af 17 Tveir skvasssalir eru í Marel, en þeir eru einnig notaðir undir jógatíma, körfubolta og golfæfingar. Rósa Braga

Mynd 3 af 17 Nokkrir starfsmenn voru á fullu í lyftingarsalnum í hádeginu. Rósa Braga

Mynd 4 af 17 Rauðu sófarnir í andyrinu hafa orðið að vinsælum fundarstað, enda er fólk vel einangrað frá umhverfi sínu þar. Rósa Braga

Mynd 5 af 17 Í framleiðsludeildunum er gólfið með merkingum fyrir ákveðnar vörur eða til að stika út opnar gönguleiðir. Ylfa segir að þetta fyrirkomulag hafi aukið alla skilvirkni til muna. Rósa Braga

Mynd 6 af 17 Eins og á mörgum stórum vinnustöðum er mikið lagt upp úr mötuneytinu. Rósa Braga

Mynd 7 af 17 Innan fyrirtækisins eru þrjár megindeildir, kjöt, kjúklingur og fiskur. Þessar tuskudýr og verðlaun voru á kjötdeildinni. Rósa Braga

Mynd 8 af 17 Barnaherbergi er á staðnum þar sem afþreying er fyrir krakkana. Einnig geta starfsmenn tengt sig á vefmyndavél og fylgst með börnunum sínum. Rósa Braga

Mynd 9 af 17 Á einum af þemadögunum í Marel.

Mynd 10 af 17 Starfsmenn á kjötsviði fyrirtækisins voru hressir þegar blaðamaður leit við. Rósa Braga

Mynd 11 af 17 Á tómstundardegi fyrirtækisins mætti starfsfólk með allskonar tæki og dót sem það hefur gaman af utan vinnutíma.

Mynd 12 af 17 Marel er nokkuð sérhæft fyrirtæki. Til að þjálfa upp starfsfólkið og viðhalda kunnáttu eru námskeið haldin og er kennsluherbergi til staðar. Rósa Braga

Mynd 13 af 17 Í leikherberginu fara einnig nokkrir fundir fram, en Ylfa segir að það geti verið mjög gott umhverfi til að fá hugmyndir í. Rósa Braga

Mynd 14 af 17 Sjónvarp og leikjatölva eru auðvitað í leikherberginu. Rósa Braga

Mynd 15 af 17 Rósa Braga

Mynd 16 af 17 Það var hresst yfirbragðið í framleiðslustýringunni, en þar er góð yfirsýn yfir alla framleiðsluna. Rósa Braga

Mynd 17 af 17 Í móttökunni má sjá verðlaunavegg Marel, en verðlaunin koma víðsvegar frá. Rósa Braga

Það þarf ekki að vera lengi innandyra hjá fyrirtækinu Marel til að finna að þar er lögð rík áhersla á íþróttir og heilsurækt og að keppnisskapið virðist allsráðandi hjá starfsfólkinu. Blaðamaður mbl.is fékk að líta í heimsókn, en Valentina Nancy Griffin í upplýsingatæknideild, Helgi Guðjónsson í framleiðslustýringu og Ylfa Edith Jakobsdóttir Mannauðsstjóri leiddu hann um húsið. Komst hann meðal annars að því að tveir skvasssalir eru hjá fyrirtækinu, lyftingasalur, bootcamp-aðstaða og ef setja á eitthvað á oddinn, þá er bara búin til keppni í kringum það og allir taka þátt í henni, jafnvel súpukeppni.

Hjá Marel starfa fjögur þúsund manns, en þar af fimm hundruð hér á landi í höfuðstöðvum fyrirtækisins í Garðabæ. Ylfa segir að unnið sé hjá fyrirtækinu frá sex á morgnana til tólf á miðnætti. Það sé þó aðallega hjá framleiðslunni, þar sem unnið er á vöktum, þar sem vinnutíminn geti verið svo langur.

Skrifstofufólk er almennt innan ákveðins ramma, að sögn Ylfu, en þó er vinnutíminn nokkuð sveigjanlegur og segir hún að fólki sé treyst til að vinna sína vinnu og ef það vilji fara í klukkustund í ræktina, þá skrái það sig út á meðan og svo aftur inn þegar það hefur vinnu að nýju.

Bootcamp og jóga á vinnutíma

Það er ekki að ástæðulausu að hún tekur dæmi um hlé vegna líkamsræktar, því blaðamaður fékk það á tilfinninguna að hreyfing og líkamsrækt væri óvíða jafnalmenn og einmitt innan þessa fyrirtækis.

Fyrir utan þá aðstöðu sem nefnd er hér að ofan eru í boði tímar í bootcamp og jóga, en slíkt fyrirkomulag hefur verið við lýði síðustu sex árin. Ylfa segir að fjölmargir nýti sér það, en einnig sé lyftingasalurinn og skvass vinsælt. Þá eru starfsmenn duglegir utan vinnutímans og eru meðal annars í golf-, hjóla- og gönguhópum.

Keppnisskapið virkjað

Ylfa segir að þessi hreyfingarárátta hafi leitt til þess að mikið keppnisskap sé meðal starfsfólksins og því þurfi bara að henda á keppni til þess að virkja mannskapinn í alls konar verkefni. Nefnir hún að meðal annars hafi náðst þónokkur þátttaka í súpukeppni.

Í lok september á hverju ári er svo haldin keppnin Tour de Marel, en það er átak samtímis í flestum starfsstöðvum fyrirtækisins þar sem stafsmenn á hverjum stað taka þátt í íþróttatengdum viðburðum og safna áheitum fyrir gott málefni. Í fyrra var áherslan hjá íslensku starfsstöðinni á hjólreiðar, hlaup, göngu og golf, en þá söfnuðust um 2 milljónir. Í ár verður fótboltinn þó í aðalhlutverki með áherslu á búninga og mútur til dómara.