Fá starfsleyfi fyrir kísilverksmiðju í Helguvík

Fyrirtækið United silicon vinnur nú að því að undirbúa lóð …
Fyrirtækið United silicon vinnur nú að því að undirbúa lóð sína í Helguvík fyrir byggingarframkvæmdir kísilvers. Ljósmynd/Reykjanesbær

Umhverfisstofnun hefur veitt Stakksbraut 9 ehf. (United Silicon) starfsleyfi fyrir rekstur kísilverksmiðju á lóðinni að Stakksbraut 9 á iðnaðarsvæðinu í Helguvík. Leyfið veitir heimild til að framleiða allt að 100.000 tonn á ári af hrákísli og allt að 38.000 tonnum af kísilryki og 6.000 tonnum af kísilgjalli. Þetta kemur fram í tilkynningu á vef Umhverfisstofnunar. 

Í starfsleyfinu er lögð megináhersla á að takmarka losun verksmiðjunnar til lofts enda er verksmiðjan fyrirhuguð í um tveggja kílómetra fjarlægð frá byggð. Höfð er hliðsjón af fyrri starfsleyfum stofnunarinnar fyrir sambærilegan iðnað og upplýsingum í matsskýrslu sem unnin var þegar framkvæmdirnar fóru í mat á umhverfisáhrifum. Tekin eru upp ítarleg losunarmörk fyrir heildarlosun einstakra þungmálma, PCDD/PCDF efna (einnig kölluð díoxín og fúrön) og B(a)P til lofts sem ekki hefur verið gert á þennan hátt í starfsleyfum Umhverfisstofnunar áður. Þá er ákvæði um að mæla skuli ryk í útblæstri í samfelldri mælingu. 

Fram kemur í tilkynningunni að áður en tillagan var auglýst voru drög send til heilbrigðisnefndar Suðurnesjasvæðis. Í umsögn heilbrigðisfulltrúa var minnt á mikilvægi skýrra leiða til úrgangsmeðhöndlunar og endurvinnslu og bent á að fráveita hafnarsvæðisins uppfyllir ekki ákvæði reglugerðar. Í framhaldi af þessari umsögn aflaði rekstraraðili fylgigagns með umsókninni sem var yfirlýsing Reykjaneshafnar um að skólplagnir frá lóðinni Stakksbraut 9 verðir tengdar fráveitukerfi Reykjanesbæjar og muni standast ákvæði reglugerðar um fráveitur og skólp. 

mbl.is
  ISK
  USD
  EUR
  GBP
  CAD
  DKK
  NOK
  SEK
  ISK
  USD
  EUR
  GBP
  CAD
  DKK
  NOK
  SEK