Íslenskur athafnamaður ársins í Svíþjóð

Þórður Erlingsson, stofanandi InExchange.
Þórður Erlingsson, stofanandi InExchange. Eyþór Árnason

Þórður Erlingsson, eigandi hugbúnaðarfyrirtækisins InExchange, var valinn athafnamaður ársins 2014 í Skaraborg-héraðinu í Svíþjóð af þarlendum samtökum atvinnulífsins. Þórður segir verðlaunin vera mikinn heiður.

Almenningur gat tilnefnt hvern sem er til verðlaunanna og valdi dómnefnd í kjölfarið fimm einstaklinga sem aftur var hægt að kjósa á milli. Var þetta gert í hverju héraði í Svíþjóð og verður sigurvegari síðar valinn úr þeirra hópi, sem hlýtur titillinn „Athafnamaður ársins“.

220 þúsund viðskiptavinir

InExchange sérhæfir sig í rafrænum reikningum fyrir fyrirtæki á netinu og vex hraðast allra netfyrirtækja í Svíþjóð þegar litið er til veltunnar. Fyrirtækið er með stóra markaðshlutdeild á öllum Norðurlöndum ásamt viðskiptavinum víða um heim. Um þúsund fyrirtæki bætast í kúnnahópinn á hverjum degi að sögn Þórðar en viðskiptavinirnir eru í dag alls 220 þúsund talsins. Þórður segir þjónustuna virka líkt og Facebook að því leyti að fyrirtæki geta sent hvort öðru „vinabeiðnir“ og í kjölfarið skipst á upplýsingum og greiðslum.

Þórður segir verðlaunin vera veitt þeim sem hafa áhuga á vexti „og við höfum ekki áhuga á neinu öðru. Við viljum byggja þjónustuna enn frekar upp og gera viðskiptin betri,“ segir hann.

mbl.is
Fleira áhugavert
  ISK
  USD
  EUR
  GBP
  CAD
  DKK
  NOK
  SEK
Fleira áhugavert
  ISK
  USD
  EUR
  GBP
  CAD
  DKK
  NOK
  SEK