Ökumenn sem keyra um götur höfuðborgarsvæðisins kvarta undan slæmum vegum nú þegar snjórinn er að hverfa.
Ein skýringin á öllum holunum gæti verið að malbiksframleiðsla er ekki nema brot af því sem var þegar mest var, að því er fram kemur í umfjöllun um þetta mál í Morgunblaðinu í dag.
„Líklegt er að það hafi vantað 50 þúsund tonn af malbiki á hverju ári 6 ár í röð,“ segir Sigþór Sigurðsson, forstjóri fyrirtækisins Hlaðbær-Colas sem er með um helmingsmarkaðshlutdeild.