Zymetech hlaut nýsköpunarverðlaunin

Líftæknifyrirtækið Zymetech hlaut Nýsköpunarverðlaun Íslands árið 2015 sem afhent voru á Nýsköpunarþingi á Grand Hótel í dag. 

Ágústa Guðmundsdóttir, prófessor í matvælafræði við Háskóla Íslands og rannsóknastjóri Zymetech, tók við verðlaununum og sagði það ólýsanlegan heiður. „Ég þakka fyrir af mikilli auðmýkt,“ sagði Ágústa.

Zy­metech hef­ur þróað efna­blöndu sem not­ar ensím úr þorskinn­yfl­um til að draga úr virkni kvefveirunnar og hamla getu hennar til að valda kvefi. Var­an sem er veltu­mesta kvefaf­urðin í Svíþjóð er seld hér á landi undir vörumerkinu PreCold.

Nýsköpunarverðlaun Íslands eru veitt af Rannís, Íslandsstofu, Nýsköpunarmiðstöð og Nýsköpunarsjóði til fyrirtækja sem þykja hafa skarað fram úr í þróun nýrrar vöru eða þjónustu, sem byggð er á rannsóknar- og vísindastarfi og náð hefur árangri á markaði. Tilgangur verðlaunanna, sem voru fyrst veitt árið 1994, er að vekja athygli á þeim mikilvægu tengslum sem eru á milli rannsókna og þekkingaröflunar og aukinnar verðmætasköpunar í atvinnulífinu.

Zymetech hlaut Nýsköpunarverðlaun Íslands 2015.

• Blogga um frétt