Gunnari Einarssyni, bæjarstjóra Garðabæjar, hefur verið boðið að vera viðstaddur undirritun kaupsamnings bandarísku verslunarkeðjunnar Costco um 12 þúsund fermetra húsnæði í Kauptúni 3 í Garðabæ. Undirritunin á að fara fram þann 17. júlí næstkomandi.

Fasteignin er í eigu félagsins Sýslu ehf., sem er í eigu bræðranna Sig­urðar Gísla og Jóns Pálma­sona.

Stefnt er að því að verslunin verði um 12 þúsund fer­metr­ar að stærð og í þeim hluta Kaup­túns­ins sem nær frá versl­un­inni Tekk og að Bón­us. 

Samkvæmt fasteignaskrá er Kauptún 3 alls um 19.000 fermetrar að stærð og metið á um 2,3 milljarða króna. Ef miðað er við fasteignamatið nemur fasteignamat 12.000 fermetra um 1,5 milljörðum króna.

Á von á tillögum á næstunni

Gunnar hefur áður sagt að verslun Costco gæti mögulega opnað vorið 2016. „Það á eft­ir að breyta hús­næðinu og ég geri ráð fyr­ir að það taki um það bil eitt ár,“ sagði Gunn­ar í samtali við mbl.

Gunnar segir að Costco eigi eftir að senda inn tillögur varðandi skipulagsmál en segist eiga von á þeim á næstunni. 

Hann hefur áður sagt að teikn­ing­ar af bens­ín­stöðinni séu í vinnslu hjá arki­tekt­um en þar á að verða hægt að fá bens­ín, dísel og hugs­an­lega me­tangas. Raf­magn verður að lík­um hægt að fá upp við versl­un­ina. Gert er ráð fyr­ir bens­ín­stöðinni á milli hring­torgs­ins er ligg­ur að Kaup­túni og Reykja­nes­braut­ar.

Costco er nokk­urs kon­ar blanda af búð og heild­sölu og þurfa viðskipta­vin­ir að vera í viðskipta­klúbb Costco til þess að fá að versla en aðild að hon­um kost­ar um sex til tíu þúsund krón­ur á ári í Banda­ríkj­un­um.

Fé­lagið rek­ur í dag um 670 vöru­hús í Banda­ríkj­un­um, Kan­ada, Mexí­kó, Bretlandi, Spáni, Kór­eu, Jap­an, Taív­an og Ástr­al­íu og er einnig einn stærsti söluaðili áfeng­is í heim­in­um, bæði í smá­sölu og heild­sölu.

Versl­un Costco sem opn­ar á ís­landi er á veg­um breska Costco, sem er dótt­ur­fé­lag Costco Who­les­ale Corporati­on og nefn­ist Costco Who­les­ale United Kingdom Ltd.

Í stórum hluta þessa húss verður ný verslun Costco opnuð á næsta ári. Um er að ræða 12 þúsund fermetra. mbl.is/Árni Sæberg

Tengdar fréttir

Costco

Mun færri með Costco-kort en áður

• Færri amerískar vörur vegna EES
• Fólk vill meira af amerískum vörum
• „Bjóða ódýrasta dropann sem er í boði“
• 85% ætla að endurnýja kort í Costco

» Fleiri tengdar fréttir

• Blogga um frétt