Eimskipafélag Íslands færði Barnaspítala Hringsins veglega bókagjöf á dögunum en um var að ræða fjölda nýrra barnabóka.
Gjöfinni var vel tekið af forsvarskonum Barnaspítalans, enda um að ræða góða afþreyingu fyrir börn sem þurfa jafnvel að liggja langdvölum á spítalanum.
Eins var tímasetningin hentug þar sem í gangi er lestrarátak meðal barna sem dvelja á spítalanum þessa dagana.