„Ég held að það sé mjög mikilvægt að þessum spurningum verði svarað ítarlegar en nú þegar hefur verið gert. Ekki vegna þess að ég viti að það sé eitthvað grunsamlegt á bak við heldur tel ég að það sé mikilvægt fyrir þjóðina að fá staðfest að svo sé ekki.“

Þetta segir Benedikt Jóhannesson fjármálaráðherra um svör Fjár­mála­eft­ir­lits­ins við fyr­ir­spurn hans um kaup erlendra fjárfesta á 29,2% hlut í Ari­on banka. Segir Benedikt sérstaklega mikilvægt að fá skýr svör í ljósi nýútkominnar skýrslu rannsóknarnefndar Alþingis um aðkomu Hauck & Aufhäuser að kaupum á hlut í Búnaðarbankanum árið 2003.

Benedikt beindi 11 spurningum til eftirlitsins og spurði meðal annars hvort mat hefði verið lagt á hæfi nýrra hluthafa. Í svörum Fjármálaeftirlitsins kemur fram að það hafi ekki verið gert þar sem ekki er talið að nýir hluthafar fari nú þegar með virkan eign­ar­hlut í bank­an­um í skiln­ingi laga um fjár­mála­fyr­ir­tæki

Benedikt telur svörin ekki fullnægjandi. „Samkvæmt svörunum virðist athugun Fjármálaeftirlitsins á þessum málum ekki mjög langt á veg komin og kannski telja þau sig að einhverju leyti ekki þurfa að athuga þetta.“

TCA New Si­decar III s.a.r.l., Trinity In­vest­ments DAC og Sculp­tor In­vest­ments s.a.r.l., hafa allir upp­lýst FME um að þeir kunni að auka við hlut sinn í Arion banka. mbl.is/Ómar Óskarsson

Mikilvægt að eignarhald sé skýrt og gagnsætt

Þá segist Benedikt ekki hafa boðvald yfir Fjármálaeftirlitinu og getur hann því ekki beitt sér frekar í málinu. „Ég get bara beint til þess spurningum. Það er Fjármálaeftirlitið sem hefur þetta á sinni könnu og það hefur valdið og ábyrgðina. Ég held að það hljóti að átta sig mjög vel á því í ljósi sögunnar að það er mjög mikilvægt að upplýsa um eignarhald á bönkum og að það sé mjög skýrt og gagnsætt.“

Aðspurður hvort málið sé þá komið á endastöð hjá honum segir Benedikt að hann sé ekki kominn með svör við sínum spurningum. „Kannski koma einhver ítarlegri svör í framtíðinni en að minnsta kosti í bili dettur mér ekkert í hug til að spyrja um til viðbótar og það veldur mér vissum vonbrigðum.“

Frétt af mbl.is

Geta ekki svarað um orðspor kaupendanna

Tengdar fréttir

Sala á Arion banka

Ríkissjóður selur 13% hlut í Arion

• Skilur ekkert í „ísköldu mati“ Bjarna
• „Innihaldslaust blaður“
• Ekki annað hægt en að „segja bravó“
• Munu ekki nýta kaupréttinn

» Fleiri tengdar fréttir

• Blogga um frétt