Segir breytingar á VSK ámælisverðar

Ámælisvert er að ekkert formlegt samráð hafi átt sér stað við samtök eða fyrirtæki í ferðaþjónustu um áform ríkisstjórnarinnar um verulega hækkun á VSK. Þetta segir Halldór Benjamín Þorbergsson, framkvæmdastjóri SA, í leiðara nýs fréttabréfs SA.

Hann segir það ekki vera viðunandi hve fyrirtækjum í ferðaþjónustu er ætlaður skammur tími til að aðlaga sig þessari hækkun. „Þá verður að meta áhrifin skattabreytinganna á rekstur fyrirtækja eftir stærð þeirra og staðsetningu. Það er ámælisvert hversu illa fyrirhugaðar breytingar á virðisaukaskattskerfinu eru undirbúnar,“ segir Halldór.

Hann segir stjórnvöld verða að hefja viðræður við fyrirtæki í ferðaþjónustu til að skapa sátt um skattalegar aðgerðir sem tryggja áframhaldandi styrkingu skattkerfisins og ferðaþjónustunnar sem eina af höfuðatvinnugreinum þjóðarinnar.

• 1 blogg um fréttina

Bloggað um fréttina

• Kolbrún Hilmars: Neytandinn greiðir - seljandinn innheimtir