Costco lækkar eldsneytisverð
Setja bókamerki
Costco hefur lækkað verð sitt á eldsneyti um þrjár krónur og kostar nú lítrinn af bensíni 166,9 krónur og lítrinn af dísil 158,9 krónur. Greint er frá þessu á heimasíðu Gasvaktarinnar. Lítrinn af bensíni í Costco kostaði 169,9 krónur þegar verslunin var opnuð 23. maí síðastliðinn en lítri af dísil 164,9 krónur. Það var síðan lækkað niður í 161,9 krónur.
Eldsneytissala Costco hefur vakið töluverða athygli frá því að verslunin var opnuð vegna hversu ódýr lítrinn var miðað við verð íslensku olíufélaganna. Samkvæmt heimasíðu Gasvaktarinnar er lítrinn af bensíni hjá Costco 13,2 krónum ódýrari en lítrinn hjá Orkunni X þar sem hann kostar 180,1 krónu og er næstódýrastur.
Þá kostar lítrinn 180,2 krónur hjá Dælunni, 189,4 krónur hjá Atlantsolíu, 193,3 krónur hjá Orkunni, 193,4 hjá ÓB, 193,9 krónur hjá N1 og Olís og 195,4 hjá Skeljungi.
Daginn eftir að bensínstöð Costco var opnuð sagði Valgeir Baldursson, forstjóri Skeljungs, í samtali við mbl.is að Skeljungur muni ekki keppa við Costco í verði. „En sem betur fer eru aðrir hlutir sem neytendur og viðskiptavinir líta til. Þar höfum við úr ýmsu að moða eins og staðsetningu, þjónustu og alls kyns fleiri þáttum,“ sagði Valgeir.
Þess má geta að nauðsynlegt er að hafa aðildarkort að Costco til þess að kaupa þar eldsneyti.
Handtekin eftir að tvö börn fundust látin
Æskuvinur Íslendings myrtur í Noregi
Skemmtiferðaskip hætt komið nærri Viðey
„Hvílir mikil leynd yfir þessu öllu“
Tveir í bílnum sem lenti utan vegar
„Á réttri leið en nokkuð í land ennþá“
Skiptir miklu meira máli en fólk grunar
„Skýr skilaboð til Seðlabankans“