Lagt er til að tíu þúsund og fimm þúsund króna seðlarnir verði teknir úr umferð sem fyrst og að hámark verði sett á leyfilega upphæð greiðslna fyrir vöru og þjónustu með reiðufé. Þetta kom fram í morgun á blaðamannafundi í fjármála- og efnahagsráðuneytinu sem ráðherra boðaði til.

Á fundinum voru kynntar skýrslur tveggja starfshópa sem í vetur var falið að vinna tillögur að aðgerðum til úrbóta vegna ábendinga sem fram komu í skýrslu starfshóps um umfang fjármagnstilfærslna og eignaumsýslu Íslendinga á aflandssvæðum.

Annar starfshópurinn skoðaði milliverðlagningu og faktúrufölsun. Var metið að árlegt tekjutap ríkissjóðs vegna óeðlilegrar milliverðlagningar tengdra lögaðila geti verið á bilinu 1 til 6 milljarðar íslenskra króna. 

Hinn starfshópurinn skoðaði umfang og áhrif skattundanskota og skattsvika á íslenskan þjóðarbúskap. Meginviðfangsefni voru skattsvik sem rekja má til kennitöluflakks eða ólögmætra undanskota í verktakaiðnaði og peningaþvætti. Litið var á nýlegar rannsóknir og áætlað að undanskot gætu verið um 4% af landsframleiðslu, eða um 100 milljarðar króna. 

Benedikt Jóhannesson, fjármála- og efnahagsráðherra, kynnti tillögurnar í morgun.

Tengdar fréttir

Aðgerðir gegn skattsvikum

Útiloka ekki peningaþvætti til hryðjuverka

• Kannast ekki við málið
• Sjálfstæðismenn efins um reiðufjárbann
• „Ekki eftir neinu að bíða“
• Takmarki notkun reiðufjár

» Fleiri tengdar fréttir

• 5 blogg um fréttina

Bloggað um fréttina

• Jónatan Karlsson: Aprílgabb eða eitthvað verra?
• Jens Guð: Snillingarnir toppa hvern annan
• Ægir Óskar Hallgrímsson: Þessi fjármálaráðherra..guð minn almáttugur!!
• Ragnar Kristján Gestsson: Og enn styður Benedikt bankana
• Gunnlaugur I.: ESB Benzi reynir að smygla okkur inná Evru svæðið með …