Kostnaður við úrbætur vegna rakaskemmda á hluta skrifstofuhúsnæðis Orkuveitu Reykjavíkur við Bæjarháls verður að minnsta kosti 1,7 milljarðar króna. Engin ákvörðun liggur fyrir um aðgerðir enn.
Þetta kemur fram í tilkynningu sem Orkuveitan gaf út í dag. Fyrirtækið mun óska eftir dómkvöddum matsmanni til að meta tjónið og ástæður þess og á grundvelli matsins mun Orkuveitan meta lagalega stöðu sína og verja hagsmuni fyrirtækisins.
Greint var frá því í janúar að rakaskemmdirnar á húsinu mætti rekja til samblöndu hönnunar hússins og uppsetningar á veggjakerfinu sem hylur húsið að utan. Þá sagði upplýsingafulltrúi OR að sannarlega væri til skoðunar að höfða mál á hendur verktakanum sem byggði húsið á sínum tíma.