Ræða við Eyjamenn um rekstur Herjólfs

Vegagerðin stendur í viðræðum við Vestmannaeyjabæ um að Eyjamenn taki yfir rekstur Vestmannaeyjaferjunnar þegar hún verði tekin til notkunar. Þá er hefur verið rætt við Slysavarnafélagið Landsbjörg um að félagið fái gamla Herjólf til umráða. 

Þetta koma fram í máli Jóns Gunnarssonar samgönguráðherra á samgönguþingi í Hveragerði í dag en hann vék að málefnum Suðurlands.

Frétt af mbl.is

Smíði nýs Herjólfs hafin í Póllandi

Í júní var greint frá því að smíði nýs Herjólfs í Póllandi væri hafin og er búist við því að ferjan verði tilbúin næsta sumar. „Vegagerðin hefur verið að semja við Eyjamenn um að þeir taki yfir rekstur þessarar ferju,“ sagði ráðherra og bætti við að gamli Herjólfur þyrfti að vera áfram í landinu. 

„Ég hef rætt við Slysavarnarfélagið Landsbjörg um að Slysavarnarskóli sjómanna fái gamla Herjólf til umráða. En þeir þurfa að hafa hann til taks sem álagsskip fyrir þær leiðir þar sem ferjuflutningar eru miklir.“

• Blogga um frétt