Samþykktu ekki niðurfellingu skulda

Kröfuhafar Reykjanesbæjar samþykktu ekki niðurfellingar á skuldum sveitarfélagsins en bæjarstjórn þess hefur samþykkt lántöku að upphæð 3,6 milljarða króna frá Lánasjóði sveitarfélaga. Lánið er til allt að 38 ára.

Lánið ger­ir bæn­um kleift að end­ur­fjármagna meðal annars skuld­ir Reykja­nes­hafn­ar.

Frétt af mbl.is

Endurfjármagna skuldir Reykjaneshafnar

Kjartan Már Kjartansson, bæjarstjóri Reykjanesbæjar, staðfesti við vefinn Suðurnes.net að niðurfellingarnar hafi ekki verið samþykktar. Þar að auki samþykkti einn af kröfuhöfum Reykjaneshafnar ekki niðurfellingu á vöxtum. Kjartan Már vildi ekki gefa upp hver kröfuhafinn er.

Lánasjóður sveitarfélaga veitti lánsloforðið með þeim skilyrðum að endurskipulagning fjárhagssamstæðu Reykjanesbæjar leiði til þess að markmiðum aðlögunaráætlunar fyrir árin 2017 til 2022 verði náð. Einnig var það skilyrði sett að samkomulag liggi fyrir við eftirlitsnefnd með fjármálum sveitarfélaga varðandi frekari lántökur á tímabili aðlögunaráætlunarinnar.

• Blogga um frétt