Atlanta leigir út Boeing-flugvél
Setja bókamerki
Flugfélagið Air Atlanta Icelandic hefur skrifað undir tveggja ára blautleigusamning vegna Boeing 747-400 fraktflugvélar við Network Airline Management (NAM) og Astral Aviation sem er fraktflugfélag í Kenía.
Fyrsta flugferð B7474-400F var farin í gær frá Stansted-flugvelli í Bretlandi til alþjóðaflugvallarins Jomo Kenyatta í Nariobi. Með samningnum getur NAM aukið umsvif sín í Afríku, sérstaklega á matvælamarkaðnum í Kenía með því að flytja í auknum mæli blóm og grænmeti frá Nairobi til Bretlands.
„Við erum mjög spennt að hefja þennan nýja kafla í blautleigu okkar með nýjum og mikilsvirtum félögum okkar, Astral Avitation og NAM. Við erum ánægð með að þjónusta okkar og tækni muni efla þeirra framlag til iðnaðarins enn frekar,” segir Baldvin M. Hermannsson, framkvæmdastjóri sölu- og markaðssviðs Air Atlanta Iceland, í fréttatilkynningu.
„B747-400F-vélin sem við fengum nýlega afnot af frá Air Atlanta Iceland mun styrkja stöðu okkar við að leiða útflutning á matvælum frá Kenía til Bretlands,” bætir Sanjeev Gadhia, stofnandi og stjórnarformaður Astral Aviation, við í tilkynningunni.
„Mér finnst Halla Hrund svona Vigdísarleg“
Lögreglan ekki tekið afstöðu til kærunnar
Mest spennandi kosningar í áratugi
Tæknideild komin norður vegna andlátsins
Átta morðmál á aðeins tólf mánuðum
Áköf mótmæli í bandarískum háskólum
/frimg/1/48/63/1486389.jpg)
Halla ekki verið að taka harða afstöðu