Hafa sett 600 milljónir í reksturinn
Setja bókamerki
Kostnaður Arion banka vegna reksturs United Silicon frá því að félagið fékk heimild til greiðslustöðvunar nemur meira en 600 milljónum króna, eða um 200 milljónum á mánuði samkvæmt heimildum mbl.is.
Greint var frá málinu í Markaðinum, fylgiriti Fréttablaðsins, í dag. Samkvæmt heimildum mbl.is. vega launakostnaður og raforkukostnaður þyngst en Arion banki, sem er stærsti hluthafinn, hefur einnig þurft að greiða fyrir töluverðar fjárhæði fyrir skýrslur og úttektir í því skyni að koma rekstrinum á réttan kjöl.
Í september veitti Héraðsdómur Reykjaness United Silicon greiðslustöðvun í þrjá mánuði, eða til 4. desember. Enn er unnið að tillögum um endurbætur á kísilveri United Silicon í Helguvík til að draga úr mengun en bankastjóri Arion banka útilokar ekki að United Silicon verði sett í þrot í byrjun næsta mánaðar.
„Það er skiljanlegt að þolinmæði þeirra sé lítil“
„Ert þú þá svona latte-lepjandi hjólagaur?“
Aukin tíðni þungunarrofa hjá yngsta aldurshópnum
Benda á Samgöngustofu sem bendir út í heim
Hjón sluppu með skrekkinn
Allar rúður brotnar hjá Fiskikónginum