Hundrað milljörðum fjárfest erlendis

Peningar eru ein mikilvægasta útflutningsafurð Íslendinga. Fjölmiðlar eru altént sýknt ...
Peningar eru ein mikilvægasta útflutningsafurð Íslendinga. Fjölmiðlar eru altént sýknt og heilagt fullir af fréttum um útflutning á peningum. Íslensk fyrirtæki kaupa erlend fyrirtæki í keðjum, kippum, knippum og bunkum eins og hvert annað bland í poka. mbl.is/Golli

„Íslenskir aðilar, þar með taldir lífeyrissjóðir, hafa fjárfest erlendis fyrir upp undir hundrað milljarða króna frá júní til október. Það er að einhverju leyti skýringin á því að krónan veiktist í sumar samhliða ferðamannastraumnum,“ segir Konráð S. Guðjónsson, sérfræðingur í greiningardeild Arion banka í samtali við Morgunblaðið.

„Innlendir fjárfestar virðast því hafa tekið losun fjármagnshafta fyrr á árinu fegins hendi.“

Fram kemur í Markaðspunktum Arion banka að í nýbirtum tölum um þriðja ársfjórðung, þ.e. júní til ágúst, hafi íslenskir aðilar fjárfest fyrir 43 milljarða í erlendum verðbréfum og afleiðustaða gagnvart útlöndum jókst um nærri 11 milljarða króna. Innlendir aðilar greiddu sömuleiðis niður skuldir gagnvart útlöndum um 44 milljarða króna.

Nánari umfjöllun má finna í Morgunblaðinu í dag. 

Svæði

Gagnaveitur

Erlendar viðskiptafréttir