Björgólfur Thor Björgólfsson fjárfestir er metinn á 1,8 milljarð bandaríkjadala, eða um 184 milljarða króna, að því er fram kemur í nýbirtum lista Forbes yfir milljarðamæringa á heimsvísu. Er hann eini Íslendingurinn á listanum og er þar númer 1161.
Fyrir tíu árum var Björgólfur 249. ríkasti maður heims á lista Forbes, en eftir efnahagshrunið hvarf hann af listanum. Nú er Björgólfur á listanum fjórða árið í röð.
Bill Gates, forstjóri Microsoft, er sem fyrr ríkasti maður heims, metinn á 86 milljarða bandaríkjadala og Warren Buffett, fjárfestir, er í öðru sæti, metinn á 75,6 milljarða.