Arion banki greiðir tugi milljarða til hluthafa

Á hluthafafundi Arion banka í dag var samþykkt að 25 milljarðar króna yrðu greiddir til hluthafa. Auk þess er stjórn bankans veitt umboð og heimild til endurkaupa á allt að 10% hlut í félaginu fyrir að hámarki 18,8 milljarða króna. 

Þetta kemur fram í tilkynningu Arion banka til Kauphallarinnar en þar er tekið fram að end­ur­kaup á hluta­bréfum drag­ist frá arðgreiðslunni. Arðgreiðslan og endurkaupin eru sögð að fullu í samræmi við langtímamarkmiði Arion banka um að minnka umfram eigið fé bankans.

Að framkvæmd lokinni lækki eiginfjárhlutfall bankans um ríflega 3% en sé engu að síður vel umfram kröfur FME og það sem bankinn telji hæfilegt. Framkvæmdin er hins vegar háð því að Kaupskil verði búin að selja að minnsta kosti 2% hlut í bankanum fyrir 15. apríl. 

Frétt af mbl.is

Kaupa ekki í bankanum

Greint var frá því í Morgunblaðinu í dag að stærstu líf­eyr­is­sjóðir lands­ins muni ekki kaupa hlut í Ari­on banka á grund­velli til­boðs sem Kaupskil, stærsti eig­andi hans, gerðu þeim fyr­ir skemmstu.

• 2 blogg um fréttina

Bloggað um fréttina

• Ómar Geirsson: Sjálftaka, taka 2.
• Hallmundur Kristinsson: Umframfé