Stjórn Icelandair Group hf. mun leggja til við aðalfund félagsins í vor að greiddur verði arður til hluthafa að fjárhæð 750 milljónir króna, eða sem nemur 0,15 krónum á hvern hlut. Auk þess hefur stjórnin samþykkt endurkaup á bréfum félagsins um allt að 750 milljónir króna.
Þetta kemur fram í fjárfestakynningu Icelandair. Ársuppgjör Icelandair sem var birt á föstudaginn sýndi tap upp á 4,1 milljarð króna á fjórða ársfjórðungi síðasta árs. Hagnaður ársins í ár var aftur á móti 3,9 milljarðar króna.
Í fjárfestakynningunni er tapið á fjórðungnum rakið til eldsneytisverðs sem var 35% hærra í árslok en þegar það var sem lægst í júní. Rúmur helmingur af áætluðum eldsneytiskaupum þessa árs, 55%, hefur verið áhættuvarinn á verðinu 549 dalir á hvert tonn.
Þar sem af er degi hafa hlutabréf í Icelandair hækkað lítillega í verði, eða um 0,3% í 103 milljóna króna viðskiptum.