Breytingar á leiðakerfi tengdar Asíuflugi

Heimildir ViðskiptaMoggans herma að áætlunarflug íslenskra flugrekenda til Rússlands, og þá að öllum líkindum til Moskvu, sé forsenda í viðræðum íslenskra og rússneskra stjórnvalda um yfirflugsleyfi yfir Rússland.

Slíkt leyfi er aftur forsenda fyrir því að íslensk flugfélög geti byrjað að fljúga til Austur-Asíu, en of óhagkvæmt er að fljúga framhjá Rússlandi til að komast héðan til landa eins og Japans og Kína.

Heimildir ViðskiptaMoggans herma einnig að mögulegt flug til Moskvu tengist nýlegum breytingum á leiðakerfi Icelandair, en eins og fram kom í tilkynningu félagsins til kauphallarinnar á dögunum hefur félagið ákveðið að hætta næturflugi til Evrópu, eða hinum svokallaða seinni tengibanka.

Nánari umfjöllun má finna í ViðskiptaMogganum.