Félag Pálma í Fons gjaldþrota
Setja bókamerki
Einkahlutafélagið FE-9 sem áður bar nafnið Fengur hefur verið tekið til gjaldþrotaskipta. Samkvæmt ársreikningi félagsins fyrir árið 2017 nema skuldir þess 2,9 milljörðum króna.
Greint er frá gjaldþrotaskiptunum í Lögbirtingarblaðinu. Fengur er í eigu Pálma Haraldssonar, sem kenndur er við Fons, gegnum félagið Academy sárl. sem er skráð í Lúxemborg.
Jóhannes Kristinsson og Pálmi Haraldssonk keyptu ráðandi hlut í Iceland Express árið 2004 af stofnendum flugfélagsins. Þeir voru einnig viðskiptafélagar gegnum Feng sem tók í nóvember 2008 yfir 92% hlut í Iceland Express með 300 milljóna eiginfjár innspýtingu. Helstu eignir Fengs voru flugfélögin Iceland Express og Astraeus.
Iceland Express var tekið til gjaldþrotaskipta í mars 2013, en í október árið áður hafði WOW air tekið allan flugrekstur Iceland Express yfir. Kröfur á hendur flugfélaginu námu 1,3 milljörðum um 300 milljónir fengust upp í kröfurnar.
mbl.is fór ítarlega yfir langa sögu flugfélagsins þegar WOW tók yfir flugrekstur þess árið 2012.
Kostnaður meiri en milljón á fermetra
„Á réttri leið en nokkuð í land ennþá“
„Hvílir mikil leynd yfir þessu öllu“
Vona að Orkustofnun veiti ekki virkjunarleyfi
Skar höfuðleðrið af íslenskri konu
Árshátíð ríkislögreglustjóra haldin í Tékklandi
Veiting hvalveiðileyfis ekki brot á EES-samningi