Hannes Smárason hefur látið af störfum sem forstjóri WuXi Nextcode, rúmu ári eftir að hann tók við starfinu. Hann mun starfa sem ráðgjafi hjá fyrirtækinu ásamt því að ráðast í sín eigin frumkvöðlaverkefni.
Þetta kemur fram í frétt Bio-ItWorld. Þar segir að Rob Brainin varaforstjóri taki við forstjórastarfinu frá og með deginum í dag.
Hannes er einn af stofnendum Nextcode Health sem var komið á fót árið 2013. Hann sá um yfirtöku WuXi Apptec á Nextcode árið 2015 en starfsemi sameinaðs fyrirtækis snýst um að nota upplýsingar um erfðamengi til þess að uppgötva virkni ákveðinna gena. Hann tók við forstjórastöðunni í febrúar 2017.
As of today, I will be passing the baton to Rob Brainin to lead @WuXiNextCODE as CEO. It has been a pleasure to grow the company to a global leader in genomics, and I’m confident that Rob will do a tremendous job as we go into the next phase of the company’s growth & success!
— Hannes Smárason (@hsmarason) March 12, 2018