Ferðaþjónustudagurinn 2018 fer fram í dag kl 14 til 16 í Silfurbergi í Hörpu. Viðburðurinn verður sýndur í beinni útsendingu á mbl.is.
Það eru Samtök ferðaþjónustunnar sem standa fyrir fundinum sem haldinn er í tengslum við aðalfund samtakanna sem fór fram fyrr í dag. Þar var Bjarnheiður Hallsdóttir kjörin formaður samtakanna.
Yfirskrift fundarins í ár er Fótspor ferðaþjónustunnar. Verður sjónunum beint að efnahagslegu-, félagslegu- og umhverfislegu fótspori sem íslensk ferðaþjónusta hefur.
Á fundinum tala Grímur Sæmundsen, formaður Samtaka ferðaþjónustunnar á árunum 2014 – 2018 og Þórdís Kolbrún Reykfjörð Gylfadóttir, ferðamálaráðherra. Þá verða á fundinum flutt þrjú áhugaverð erindi ásamt spjallborðsumræðum sem í taka þátt þrír ráðherrar og framkvæmdastjóri Samtaka atvinnulífsins. Guðni Bergsson, formaður KSÍ, slær síðan botninn í fundinn.
Hér má sjá dagskrána og að neðan er bein útsending frá fundinum.