Eik fasteignafélag hagnaðist um 1,1 milljarð á fyrsta ársfjórðungi þessa árs samanborið við 761 milljón á sama tímabili á síðasta ári.
Rekstrartekjur félagsins á fjórðungnum námu 1.946 milljónum króna sem er aukning frá síðasta ári þegar þær námu 1.752 milljónum.
Rekstrarhagnaður fyrir matsbreytingu og afskriftir nam 1.235 milljónum króna. Hann var 1.122 milljónir á sama tímabili árið 2017.
Bókfært virði fjárfestingareigna nam 86.685 milljónum króna og bókfært virði eigin eigna nam 3.733 milljónum króna í lok tímabilsins.
Handbært fé frá rekstri nam 817 milljónum króna, söluhagnaður fjárfestingaeigna nam 204 milljónum króna og matsbreytingar fjárfestingaeigna nam 884 milljónum. Eiginfjárhlutfall Eikar nam 30,7% að teknu tilliti til arðgreiðslu félagsins sem verður greidd í lok apríl.